Parte-hartze prozesuaren oinarrizko datuak
Antolatzailea
Astigarragako Udala
Testuingurua
Zure esku 120.000,00 euro
Astigarragako Udalak aurrekontua gauzatzeko herritarren parte hartze zuzena bideratzeko prozesua jarri du martxan. Parte-hartze, informazio eta gardentasun arautegiak ezartzen duenez, udalak urtero parte hartze prozesu bat egingo du, herritarrek erabaki dezaten zuzenean aurrekontuaren zati bat zertan erabili.
2022ko parte hartze zuzeneko prozesuan 120.000,00 euro erabiliko dira. Prozesu honen bidez proiektu bat edo gehiago garatzea erabaki ahal izango da, betiere aurrekontu muga gainditu gabe.
Aurreko urteetan gauzatu diren proiektuak
Herritarrek zuzenean erabakita honako proiektuak gauzatu dira aurreko ekitaldietan: eskolako jolastokia estali da, zahar-egoitzan berritze-lanak egin dira, pump track-a martxan jarri da eta ibai parkean jolas gune eta aisialdi guneak berehala izango ditugu guztion eskura.
Zer eta nola egingo dugu
Prozedura
2022ko prozesu parte hartzaileak lau fase izango ditu:
-
Fasea: Proposamenak egin; edozein herritarrek aukera du proposamenak egiteko (urriaren 10etik 24ra)
-
Fasea: Udal teknikariek proposamenen bideragarritasuna baloratu.
-
Fasea: Proposamenen finalistak aukeratu.
-
Fasea: Galdeketa, guztion artean erabakiko dugu.
Ikus argibide gehiago esku-orrian (Dokumentu interesgarriak atala)
Prozesuaren baldintzak
Proposamenak aurkezteko fasean (urriaren 10etik 24ra) parte har dezakete Astigarragako herritar guztiek eta aurkez dezakete nahi adina proposamen.
Galdeketan parte har dezakete (2022-01-01eko datan) 16 urte edo gehiago dituzten eta Astigarragan erroldatuta dauden pertsonek.
