ZiRRara Astigarragako sexu aholkularitza zerbitzua

content

ZiRRara Astigarragako sexu aholkularitza zerbitzua
Astigarragan harreman osasuntsu eta parekideak eraikitzen

320x132

Zer da ZiRRara Astigarragako sexu aholkularitza zerbitzua?

Emakumeek eta gizonek, bakarka edo konpainian, sexu eta bikote zailtasunak izaten dituzte bizitzako garai desberdinetan. Horiei irtenbideak emateko, jakin-minari erantzuteko eta genero estereotipoetan oinarritutako harreman sexualak gainditzeko, Astigarragako Udalak eskura jarri du aholkularitza gune profesionala, konfidentziala eta doakoa, osasun zentroen zerbitzu osagarri gisa.

Norentzat da?

Astigarragako 16 urtetik gorako norbanako, bikote eta gurasoentzat.

Zer gai landu daitezke? 

Gai anitzak landu daitezke, besteak beste, honakoak:

  • Pertsonen artean plazer eta praktika alternatiboak izaten ikastea bizitzako fase ezberdinetan.
  • Erotismoa mantentzea eta sortutako aldaketa eta gogo berriei erantzuna ematea seme-alabak edukitzean, horiek bilatzeko prozesuan, gaixotasun larri batekin edo ondoren edo menopausia garaian.
  • Sarketarekin zailtasunak konpontzea (tentetzea, isurtzea, mina, itxiera...)
  • Sexu identitate edo desira orientazioan zalantzak argitzea
  • Jeloskortasuna eta ez-ulertzeak bikote monogamo eta ez monogamoetan
  • Sexting, pornografia eta sare sozialen bitarteko gertakarien zalantzak edota kezkak argitzea
  • Seme-alaben sexu-hezkuntzarako irizpideak jasotzea

Nola funtzionatzen du?

Arreta bi modutara jaso daiteke:  saio presentzialen bidez edo online.

Aurrez aurreko arreta:

  • Noiz: asteazkenero, 16:00etatik 19:00etara.
    2023an: Azaroak 8, 15, 22, 29; Abenduak 13, 20.
    2024an: Urtarrilak 3, 10, 17, 24, 31; Otsailak 7, 21, 28; Martxoak 6, 13, 20; Apirilak 3, 10, 17, 24; Maiatzak 8, 15, 22, 29; Ekainak 5, 12, 19, 26.
  • Non: Kultur Etxe Zaharreko beheko solairuan (Kale Nagusia 48).
  • Beharrezkoa da aurretik hitzordua eskatzea zirrara@astigarraga.eus helbidera idatzita edo 747493457 zenbakira deituta.

Kontsultak online:

DLYFormulario

Jarri gurekin harremanetan