Santiagomendiko Natur eskola eta Aterpetxea

Santiagomendiko Natur eskola eta Aterpetxea

Astigarragako Udalaren Santiagomendiko Natur eskola - Aterpetxea, kultur aurrerapenaren adierazpen gisa sortu da, gure gizarteak ingurugiroaren arazoarekiko, bai eta aisialdirako alternatiba gisa natura ezagutze eta gozatzearekiko duen sentsibilizazio gero eta handiagoaren erantzuna eta laguntza izan nahirik.

 
Antzinako (XIII. mendeko) Santiago baselizaren ondoan dago, izen bereko mendiaren gailurrean, 298 metrotara, Astigarragako guen geografikoaren erdian, gutxi gorabehera. Bere kokapen estrategikoak, hirigunetik 2,5 km-tara eta Donostia, Errenteria, Hernani eta Oiartzun bezalako herrietatik 10 Km baino gertuagora, eta baserritar kutsuko inguruak zabaltzen duen bakeak eta lasaitasunak, bai eta ingurune osoan hedatzen den ibarrez eta mendiz osatutako paisaiak ere, leku hori aukera anitz garatzeko eta haiekin gozatzeko toki pribilegiatu bihurtzen dute.
 
2006an berrituta dagoen eraikuntzak 308 m2ko azalera du bi solairuetan banatuta, eta 35 pertsonentzako lekua.

Beheko solairuan, guztiz hornitutako sukaldea, komunak, jangela-areto balioanitza, komuna duen elbarrientzat egokitutako gela eta jendearentzako telefono zerbitzua du; goikoan berriz, komuna duen lau pertsonentzako logela bat, eta taldeentzako bi logela (9 eta 14 lagunentzako), hauek ere beren komuna eta dutxak dituztela.

 

Ekipamendu hau natur eskola eta aterpetxe modura erabiltzeko prestatuta dago.

Natur eskola gisa, ikasturteko astegunetan LH zein DBHko ikasleei zuzenduta dago eta egonaldi horietan ikasle eta irakasleek, bertako hezitzaileen zuzendaritzapean hainbat tailer eta ikastaro egiteko aukera dute, egun bat, bi edo hiruko egonaldietan.

Aterpetxe gisa, bereziki asteburuetan eta oporraldietan erabil liteke. Oso ekipamendu egokia da, kirol bilkurak, barnetegiak, ikastaroak, jardunaldiak eta abar egiteko, baina edozein jardueretarako aloka liteke, baita lagun-taldeek ere.  

Kanpoaldean, halaber, picnic-erako 6 mahai eta iturria dituen zabalgunea du eta bertan, etnografi parkea kokatua dago.