Hezkuntza

Herri hezitzailea helburu

Oinherri elkarteko bazkide da Astigarraga, eta gure herria herri hezitzaile izan dadin lanean ari gara. Zazpi giltzarri ditugu oinarrian:

  1. Herriko haur eta nerabeak txiki-txikitatik parte hartzean heztea.
  2. Haurtzaroaren/nerabezaroaren kulturak aitortzea eta balioan jartzea.
  3. Euskaratik eta euskaraz. Gure herrietan dauden hizkuntza, kultura guztiak errespetatuz eta kontuan hartuz, baina euskara sustatuz.
  4. Aniztasunean hezi. Gutako bakoitza bakarra eta errepikazina garela ulertuz, gure herrietan izateko modu guzti horiek leku bat izan dezaten.
  5. Aukera berdintasuna. Aniztasun guzti-guztiak onartuz eta balioan jarriz, baina aukera berdintasunean heziz.
  6. Herrietako ondare natura zein kulturala ezagutzea, balioan jartzea eta transmititzea.
  7. Herrietako hezkuntza komunitateak saretzea.

Norberto Almandoz Musika Eskola

Norberto Almandoz Astigarragako Musika Eskolaren (NAMEren) xedea, besteak beste, honako hau da: hainbat musika-disziplinetako berariazko eta lehentasunezko arautu gabeko irakaskuntza eskaintzea. Ia 20 musika-tresnen eskola-eskaintzaz gain, Musika Hezkuntza Goiztiarra, Musika eta Mugimendu tailerra, Musika-Hizkuntza, Abesbatza eta musika-tresnen talde ikasgai-aukera zabala eskaintzetik, kultura sortu, ikuspegi kritikoa landu eta musika-kultura transmititzen dihardu elkarteak.

Eskolaren prestakuntza-eskaintzaren helburua da, musika ikasiz eta musikaz gozatuz, Astigarragako herritarrak giza-balioetan heztea eta motibatzea; eta eragile gisara, Astigarragako herri mugimenduan modu aktiboan parte hartzea.