Emakumeontzako aholkularitza juridikoa

Emakumeontzako aholkularitza juridikoa ikuspuntu feministatik

320x132

Udal zerbitzu berri honek emakumeok gai anitzekin lotutako gatazkei buruzko aholkularitza juridiko espezializatu bat izateko eskubidea bermatu nahi du.

Aholkularitza horrek aukera emango digu epairik gabeko espazio seguruan entzunak izateko, dauzkagun eskubideak eta gatazkei aurre egiteko tresnak ezagutzeko, erabakiak hartzeko segurtasuna eta motibazioa handitzeko eta baliabideak antzemateko, autoestimua handitzeko, eraso matxisten kasuak detektatzeko edo/eta bestelako zerbitzu publikoetara bideratuak izateko.

Norentzat da?

Astigarragako edozein adinetako neska, nerabe edo emakumeontzat.

Zer gairi buruzko kontsultak egin daitezke? 

  • Familia: Banaketak, dibortzioak, mantenu pentsioak, bisita erregimenak ...
  • Indarkeria matxista: Indarkeria egoerak detektatzea, eskubideak ezagutzea, erasoei buruzko prozesu judizialak eta horiek izan ditzaketen ondorio eta eraginak, ...
  • Lana: Etxeko langile zein gainontzeko langile emakumezkoen kaleratzeak, diskriminazioa, eskubideei buruzko informazioa ...
  • Atzerritartasuna: Gaiarekin lotutako kezkak eta gatazkak.
  • Bestelako kontsultak gai zibil eta penaletan.

Nolako zerbitzua den

Konfidentziala, doakoa eta pertsonalizatua (bakoitzaren egoera zehatzak aztertuko dira, dauzkagun eskubideak eta horiek bermatzeko bide egokienak adieraziz). Jasoko dugun arreta aurrez aurrekoa izango da eta aditu baten laguntza eta aholkularitza izango ditugu, beti ere, ikuspuntu feministatik.

Aurrez aurreko arreta:

  • Noiz 
    2023an: asteazkenero, hamabostean behin, 16:00 - 18:00
    2024an: astelehenero, hamabostean behin, 16:00 - 18:00
  • Non: Emakumeon etxean.
  • Beharrezkoa da aldez aurretiko hitzordua: emakumeonetxea.astigarraga@gmail.com; tel. 648 417 157 (Emakumeon etxeko ordutegian).
  • Hitzordu bakoitzak gehienez ere ordubeteko iraupena izango du.