Elkarbizitza

Astigarragako Udaleko Elkarbizitza sailaren helburu nagusia Astigarragako herritarren harremanak eta ongizatea hobetzeko baldintza eta ekimen egokiak sustatzea da. Horretarako, gaur egungo egoera aztertu eta hobetzeaz gain, iraganera zein etorkizunera ere begiratzen dugu. Iraganera, memoria egiteko, herrian ditugun gertaera lazgarriak ez ahazteko, eta aurreko belaunaldiei balorea eman eta haiengandik ikasteko. Etorkizunera, herritarren ongizatea eta elkarbizitza hobetzeko proiektu berriak diseinatuz, ikuspegi barneratzaile eta parekide batetik, herritar eta kolektibo guztien beharrak eta nahiak kontuan hartuta garai eta egoera berrietara egokitzeko.