BERNARDO ALBERRO ANABITARTE
Astigarraga 1927-
Astigarragan jaio zen 1927ko apirilaren 17an. Hamasei urte zituenean, lan-istripu bat zela eta ikusmena galdu zuen eta ondorioz esku soinua ikasteari ekin zion.
Donostiako Victoria Eugenia antzokian egin zen lehiaketa batean bigarren saria lortu zuen. Geroztik, parte hartutako txapelketetan sari aipagarriak eskuratu zituen.
Konposatzaile eta olerkari honek, Gipuzkoako zenbait irratitan parte hartu zuen, baita hainbat antzeztokietan kantautore gisa ere. Beste askoren artean, bereak ditugu Astigarragako Ereserkia eta Astigarraga eta Ergobia izeneko kalejirak. Ordizia, Oñati eta Irungo bandek bere zenbait lan jotzen dituzte sarri. Hauen artean, makulu zuriari eskeinitakoa aipa dezakegu.
Zalduondo (Araba) eta Olaberriko (Gipuzkoa) udalek, omenaldiak eskaini dizkiote.