Alkatearen agurra

Ongi etorri Astigarragako Udalaren webgunera.

Webgune honetan zehar gure herriari eta udalari buruzko informazioa eskuratu ahal izango duzu.

2023ko ekainaren 17an eratu genuen 2023-2027ko agintaldiko korporazioa. 13 zinegotzi gara: 8 EH Bildukoak, 4 EAJ-PNVkoak eta 1 PSE-EEkoa. Nahiz eta egitasmo politikoak eta lehentasunak berberak ez izan, Astigarragaren alde lan egiteko borondate eta nahiak batzen gaitu.

Alkate nauzuen honentzat eta EH Bilduren udal gobernuarentzat funtsezkoa da herritarrokin bat eginda lan egitea, parte hartzea sustatzea eta komunikazioa zuzen eta gardena izatea. Webgune hau izango da hori lortzeko tresnetako bat.

Gure bulegoetako ateak zabalik dituzu, guregana jo eta zure eskari, iradokizun eta proposamenak jasotzeko eta elkarrekin lantzeko.

Xabier Urdangarin Lasa, Astigarragako alkatea

2023-2027 agintaldiko korporazioa

Ezkerretik eskuinera: Olaia Pastoriza Santos; Iñigo Touzani Velasco; Patxi Suarez Perez; Esti Neira Martinez; Andoni Gartzia Arruabarrena; Joseba Ilari Etxeberria Calvo; Xabier Urdangarin Lasa; Naroa del Orden Otero; Bea Lasagabaster Izagirre; Ainara Vazquez Martinez; Aitor Güemes Oiarbide; Maria Otaegi Velez;  Manex Aldalur Beldarrain.