KORONABIRUSA 2020·03·14
Tabernak, elkarte gastronomikoak eta auzo biltokiak ixteko agindua
Tabernak, elkarte gastronomikoak eta auzo biltokiak ixteko agindu du udalak. Beste hainbat instalazio ere itxi egin ditu: herri eskolako patioa, pilotalekua, poligonoko kantxak...
KORONABIRUSA 2020·03·14
Neurri hauen helburua da jende pilaketak eta arriskuko gizataldeen kontaktua ahalik eta gehien mugatzea
KORONABIRUSA 2020·03·13
Sagardotegiek ixtea erabaki dute eta, ondorioz, txotx denboraldia bertan behera geratu da
Atzo eta gaur udalak eta sagardogileek egin dituzten bileren ondotik, Astigarragako sagardotegiek erabaki dute ixtea. Ondorioz, 2020ko txotx denboraldia aldi batez bertan behera geratu da.
KORONABIRUSA 2020·03·13
Koronabirusa ez zabaltzeko hainbat neurri eta erabaki hartu ditu Udalak.
GAITZESPEN ADIERAZPENA 2020·03·12
Abanto Zierbenan gertatutako bi emakumeren hilketak gaitzesteko adierazpena
Abanto Zierbenan gertatutako bi emakumeren hilketak direla eta, Astigarragako Udalak gaitzespen adierazpena onartu du gaur, martxoaren 12an. Halaber, deialdia egiten du hilketa horiek gaitzesteko gaur, martxoaren 12an, 20:00etan, Joseba Barandiaran plazan egingo den elkarretaratze isilean parte hartzeko.
KORONABIRUSA 2020·03·11
Koronabirusa: neurriak eta gomendioak
Astigarragako Udalak, koronabirusa dela eta, garbiketa eta higienea areagotu ditu udal instalazioetan. Osakidetzaren Donostialdeko Zuzendaritzarekin harremanetan dago Udala, hartu beharreko neurriak hartzeko.
HIRIGINTZA GENERO IKUSPEGITIK 2020·03·09
Etorkizuneko Astigarragako hirigintza, emakumeen* ikuspegitik martxoaren 11, 18 eta 25ean
Astigarragako Udalak partaidetza-prozesu bat antolatu du, berrikustera doan HAPOan emakumeen* ikuspegia txertatzeko. Helburu honekin, hainbat formakuntza- eta partaidetza-saio prestatu ditu, hiru lantaldetan garatuko direnak: Udal-Mahaian, Mahai Teknikoan eta Emakumeen* Mahaian.
MOZIOAK 2020·03·06
Emakumeen nazioarteko eguneko mozioa aurrera EH Bilduren aldeko botoekin
Otsailak 25eko Osoko Bilkuran bi mozio onartu ziren. Bata, Martxoaren 8koa, emakumearen nazioarteko eguna dela eta. EH Bilduren botoekin onartu zen soilik, EAJ-PNV taldea abstenitu egin baitzen. Bestea, Erregistro zibilaren zerbitzua pribatizatzearen eta murriztearen aurkakoa. Azken hau, aldiz, aho batez onartu zen (EH Bildu eta PNV-EAJren aldeko botoekin).
DIRULAGUNTZAK 2020·03·06
Alde batetik, dirulaguntza izendunak onartu ziren, hau da, herriko elkarteei ematen zaizkienak. Bestetik, arlo zehatzak indartzeko ematen diren dirulaguntzak, esaterako, kirola, euskara edota berdintasuna sustatzeko, besteak beste. Azken hauen deialdiak atzo argitaratu ziren Gipuzkoako Aldizkari Ofizialean, eta beraz, gaurtik hasita hilabeteko epea egongo da eskaerak aurkezteko.
KULTUR ETXE BERRIAREN IZENA 2020·03·05
Kultur etxe berriaren izena aukeratzeko inkesta bertan behera
Udalak erabaki du inkesta bertan behera uztea, egiaztatu duelako hainbat erabiltzaile botoa behin eta berriz ematen ari direla.