WEBGUNEA 2021·10·21
Martxan dago Plan Orokorra berrikusteari buruzko webgunea
Astigarragako Udalak Plan Orokorra berrikusteko prozesuaren webgunea jarri du martxan. Bertan argitaratuko ditu prozesu horren inguruko deialdiak, saioak, dokumentuak eta abar.
AUTOBUS ZERBITZUA 2021·10·20
Alkateak agerraldia egin du Batzar Nagusietan Astigarragako autobusaren garraio publikoaren inguruan
Foru Aldundiari eskatu dio, Udalaren eta astigartarren izenean, autobus zerbitzuaren eta geltokien murrizketak alde batera utzi eta baliabideak gehitzeko.
ARROBITXULO 2021·10·15
Arrobitxulo bidea estutu egingo da astelehenetik aurrera igogailuaren lanen ondorioz
Aurrera doaz Arrobitxuloko igogailua eraikitzeko lanak eta eskolako patioko eta goiko aldeko lanak amaituta, orain Arrobitxulo aldeko lanei ekingo zaie.
Erailketa matxista 2021·10·14
Gasteizen gertatutako erailketa matxista gaitzesteko adierazpena
Gasteizen gertatutako Erika T.-ren erailketa dela eta, Astigarragako Udalak gaitzespena adierazi nahi du. Halaber, herritarrak gonbidatu nahi ditu bat egitera Emakumeon Etxeak antolatutako kontzentrazio deialdiarekin, gaur arratsaldean, urriaren 14an, 19:00etan, Joseba Barandiaran plazan.
Ongietorri oparitxoa 2021·10·13
Ongietorri oparitxoa erroldatu berriei
Astigarragako Udalak ongietorria eman nahi die erroldatu berriak diren herritarrei. Horregatik, ongietorri oparitxoa prestatu du: Sagardoetxeko esperientzia (ordubeteko bisita eta dastaketa).
KORONABIRUSA 2021·10·08
Covid-19aren larrialdi egoera amaituta, neurri batzuk indarren jarraitzen dute
Urte eta erdiren ondoren, pandemiaren egoerak onera egin du eta, beraz, osasun larrialdi egoera amaitutzat eman da eta indargabetu egin dira aforo eta ordutegi mugak.
HONDAKINAK 2021·10·08
Hondakinak ikuskatuko dira lurrean zaborra uzten ari diren herritarrak identifikatzeko
Azken asteotan herriko hainbat puntutan hondakin ugari agertu da lurrean, bereiztu gabe. Hori dela eta, Udalak ikuskapen kanpaina bat egingo du urrian zehar hondakinak lurrean uzten ari diren herritarrak identifikatu eta dagokion espedientea martxan jartzeko.
Kopa menstruala 2021·10·07
Kopa menstrualak opari Astigarragako emakumeentzat
Udalak kopa menstrualak banatuko ditu urrian zehar, doan, 15 urtetik gorako Astigarragako emakumeentzat.
Plax! zerbitzua 2021·10·05
Plax! Zerbitzua berriro martxan
Udal sexu eta bikote aholkularitzak 2021-2022 ikasturtean berriro ekin dio bere aktibitateari.
ASTIGARRAGA ALDIZKARIA 2021·10·04
Astigarraga Aldizkariaren 40 urteko kultur ondarea ikusgai
Aurten, Astigarraga Aldizkaria sortu zeneko 40. urteurrena da. Hori dela eta, urteetan zehar bildutako balio handiko dokumentu eta materialen erakusketa ikusgai egongo da urriaren 1etik 15era (10:00etatik 20:00etara), Erribera kulturgunean.