SANTIO ZEHARRA 2020·10·02
Oinezkoari lehentasuna emateko lanak Santio Zeharran
Santio Zeharran linea elektrikoak eta telekomunikazioak lurperatzeko lanak egin ziren, eta zoladura berritzeko lanak egiteko garaian galtzadaren maila espaloien mailarekin berdindu da eta galtzada-harriak jarri dira, horrela, oinezkoek lehentasuna izateaz gain, bide osoa hartzeko aukera izango dute espaloitik ibiltzera mugatuta egon gabe.
UDAZKEN ZAPOREZ 2020·10·01
Udazken zaporez ekimena aurkeztu zen atzo Sagardoetxean turismo alorreko profesionalen artean
Atzo “Udazken zaporez” ekimena aurkeztu zen Sagardoetxean turismo arloko profesionalen artean: Donostiako eta Gipuzkoako turismo bulegoetako arduradunak, hotelak, turismo eragileak, administrazio teknikariak, etab. Bertan izan dira Xabier Urdangarin Astigarragako alkatea eta Sagardun Partzuergoko presidentea, Iker Goiria Gipuzkoako Foru Aldundiko Turismo Zuzendaria, Daniel Solana Basquetour-eko zuzendaria, Leire Arandia Gastromuseums-eko ordezkaria eta Erro Kooperatibako arduraduna, Go Local enpresako Iñigo Ansa eta Hegoi Iparragirre eta Haritz Rodriguez Ciderlands nazioarteko sagardo norakoen sareko idazkari teknikoa.
BATZAR IREKIA 2020·10·01
Autobus zerbitzuari buruzko batzar irekia, urriak 5
Udalak batzar irekia deitu du Foru Aldundian izandako bileran autobus zerbitzuaren inguruan jasotako erantzunak eta informazioa herritarrei jakinarazteko, hurrengo astelehenean, urriak 5, 19:00etan herri eskolako aretoan batzar irekia egingo du.
PLAX! SEXU ETA BIKOTE AHOLKULARITZA 2020·09·29
Plax! Sexu eta bikote aholkularitza zerbitzua Astigarragan
Gaur aurkeztu da Plax! sexu eta bikote aholkularitza zerbitzua Astigarragan. Sexu eta bikote zailtasunak dituzte herritarrei aholkularitza eskaintzeko zerbitzua da. Hilean 5 orduz eskainiko da eta aurrez hitzordua eskatu beharko da arreta pertsonalizatua jasotzeko.
ERAKUSKETA HERRIKOIAK 2020·09·28
Udalak astigartarren talentua ezagutzera eman nahi du
Astigarragako Udalak herritarrek duten talentua eta artea erakutsi nahian bi erakusketa antolatu ditu. Lehenengoak, herriko haur, gazte eta helduen artelanak izango ditu ikusgai urriaren 13tik 25era Erribera Kulturgunean. Bigarrena, aldiz, artisau erakusketa herrikoia izango da eta urriaren 17an egongo da ikusgai Andre Gobadarien parkean.
GAZTELEKUA 2020·09·25
Gune berri bat Gaztelekuarentzat
Gaztelekuak kokapen berria du. Kultur Etxe Zaharreko liburutegia zena nerabeentzako txoko bilakatu da. Irailean nerabeek kanpo ekintza solte batzuk burutuko dituzte . Urriaren 3an izango da Gaztelekuaren inaugurazioa eta ordutik aurrera, espazio eta programazio berria estreinatuko dituzte. Hala ere, egun batzuk lehenago nerabeek eta gurasoek aukera izango dute Gazteleku berrira bisita bat egiteko.
ELIKAGAI BILKETA 2020·09·25
Gaur hasiko da Moriako errefuxiatuei laguntzeko janari bilketa Astigarragan
Irailaren 8an Moriako errefuxiatuen esparruan gertaturiko sutearen ondorio latzak ikusita, Zaporeakek larrialdiko janari bilketa antolatu du Euskal Herrian. Astigarragako Udalak deialdiarekin bat egin du eta irailaren 25etik urriaren 2ra herriko zenbait komertzioetan eta Herri Eskolan elikagai bilketa egingo da.
GOIENER 2020·09·24
Astigarragako Udalak energia elektrikoa hornitzeko kontratua Goiener kooperatibarekin sinatu du
Astigarragako Udalak bi urteko kontratua sinatu zuen (beste bi urte luzatzeko aukerarekin) irailaren 22an Goiener S.Coop. enpresarekin. Esleipen prozesuan kooperatiba honek puntuaketarik altuena lortu du hiru loteetan: argiteria publikoan, udal ekipamenduetan eta udalaren etxebizitzetan.
KIROL INSTALAZIOAK 2020·09·23
Gaurtik eman daiteke izena Kirol Instalazioetan ordu finkoak erreserbatzeko
Irailaren 23tik 29ra bitartean kirol instalazioetan 2020-21 ikastutean zehar ordu finkoak erreserbatzeko eskaerak egiteko aukera egongo da. Pista, pilotalekua eta futbol zelaia erreserbatu ahal izango dira.