Albisteak
Atzealdea

Uholde arriskuko egoeran jarraitzen dugu ostiral eta larunbatean

Gaur eta bihar (ostirala eta larunbata) eurite handia dago iragarrita (alerta laranja) eta uholde arriskua ez da amaitu.

2021·12·10


Gaur eta bihar (ostirala eta larunbata) eurite handia dago iragarrita (alerta laranja) eta uholde arriskua ez da amaitu.

Uholde arriskua: uholde arriskuan gaude eta, beraz, adi egon.

Ez aparkatu kalean eremu hauetan: Pelotari kalea, Portutxo kalea, Ergobia plazatxoa, Ergobiako aparkalekua, Pagoaga aurrean.

Foru plaza zabalik egongo da aparkatzeko ostiralean eta larunbatean.

Urak hartu ohi dituen garajeetatik ibilgailuak atera.

Errepideak: errepideetan putzu handiak sor daitezke. Arretaz gidatu eta seinale eta oharrak errespetatu.

Ibai parkea: euriteen ondorioz, Urumea ibaiak ibai parkearen beheko eremua urez hartu du. Ibai parkea itxi egin dugu, arriskuko eremua delako. Ez ibili ibai parkean berriz ere zabaldu arte. 

Datu eguneratuak:

Urumea ibaiaren emaria: https://www.chcantabrico.es/sistema-automatico-de-informacion-sistemas-de-explotacion?id_sistema=20

Añarbeko presaren datuak zuzenean: https://agasa.eus/eu/anarbe-ezagutu/presa-zuzenean

Ikus hemen Uholdeen inguruko SOS-DEIAKen gomendioak.

Prebentzioko neurriak:

  • Ez ibilgailurik utzi ez eta kanpin egin ibilgu lehorretan edo ibaien ertzetan. Gerta liteke urak bat-batean gora edo gainezka egitea.
  • Kendu ibilgailuak ur-putzuak sor daitezkeen inguruetatik eta urpetu daitezkeen garajeetatik.
  • Ahal baduzu, ez hartu autoa.
  • Bidaiatu beharra baduzu, ahal duzula, ibili errepide nagusi eta autobideetatik, eta ikusi ezinik bazabiltza, gelditu leku segururen batean.
  • Erretiratu urak eramateko moduko gauza guztiak, batez ere, kutsadura eragin dezaketen produktu arriskutsuak.
  • Begiratu inguruko hustubideak ondo dauden.
  • Irteerak mendira eta kanpoan antolatutako txangoak saihestu.

Larrialdietan hartu beharreko neurriak:

  • Urrundu erreka, uhar, zubi edo urpean gera daitezkeen lekuetatik, eta ez saiatu urak hartutako lekuetatik pasatzen, ez autoz ez oinez: urak indar handia dauka eta eraman egin zaitzake. Ura dela-eta autoa errepidean ez aurrera ez atzera geratzen bazaizu, itzali argiak eta irten autotik.
  • Mendi-magaletatik eta muino-magaletatik urrun egon; ura, harriak eta lohia amil daitezke-eta.
  • Ura etxebizitzara sartuko balitz, alde soto eta behe-solairuetatik albait azkarren.
  • Etxea utzi beharra badaukazu, itzali argindarra eta itxi gasa eta ura. Gainera, utzi ohar bat ostatua non hartuko duzun adierazteko.
  • Jo leku altuenetara; saihestu urpean gera daitezkeen lekuak.
  • Jakinaren gainean egon beti, irratiz edo bestela, jakiteko egoera zertan den eta eguraldiaren iragarpenak zer dioen.

Larrialdi egoeran deitu 112ra