Datozen egunetan herritar guztiek paperezko aldizkaria jasoko dute beren postontzietan.
2022·10·18
“Txiokaria” udal aldizkaria lau hilean behin argitaratzen da eta Udala egiten edo bideratzen ari den proiektu, zerbitzu eta ekimenak laburbiltzen ditu.
Laugarren zenbaki honetan gai ugari bildu dira: Zaporeak elkarteko Arantxa Preciadori egindako elkarrizketa; abian dauden prozesu parte-hartzaileak: kultur etxe zaharraren etorkizuna diseinatzeko eta terrazen ordenantza berrikusteko; Astigarragako Gau Beltza, Donostia ibilbideko obra, etab.
Txiokaria-ren laugarren zenbakia postontzietan jasotzeaz gain, udal eraikinetan eta online ere eskuragarri egongo da.