Gure etxeko hondakin organikoak modu jasangarri batean auzoan bertan kudeatzeko sistema bat da auzo-konposta. Auzo-konpostagailuetatik gertu bizi diren herritarrei sistema honetan parte hartzeko deia egiten die Udalak.
2020·09·03
Auzo-konposta hondakin organikoak kudeatzeko sistema jasangarriena da, izan ere, gure etxeetan sortzen ditugun hondakinak auzoan bertan kudeatzea ahalbidetzen du, eta ongarri bezala erabili dezakegun konposta lortzen dugu emaitza bezala.
Parte hartzen duen familia bakoitzak auzokonposta gune bateko giltza dauka, eta bertara, etxean sortzen dituen hondakin organiko guztiak botatzen ditu: fruta eta barazkiak, haragi eta arraina, landare hondakinak etab. Gainera, hondakinen tasan hobari bat aplikatzen zaie familia parte-hartzaileei.
Parte hartu
Parte hartzeko interesa duenak ondoko bideetatik jarri behar du Udalarekin harremanetan:
- Telefonoa: 900 102 838
- Posta elektronikoa: hondakinak@astigarraga.eus