Zozketan izena emateko epea gaurtik urtarrilaren 2ra arte izango da.
2022·12·19
Sagardoaren Lurraldeak antolatuta, 2023ko urtarrilaren 11n, asteazkena, Sagardo Berriaren Eguna ospatuko da, 2023ko txotx boladari hasiera emateko.
Astigarragako Udalak 5 sarrera bikoitz zozkatuko ditu herritarren artean ekitaldira joateko.
Zozketan parte hartzeko baldintzak honako hauek dira:
- astigartarra izatea
- 18 urtetik gorakoa izatea
- sagardogilea ez izatea
- aurreko edizioetan saritua ez izatea (2019 eta 2020)
Izena eman
Izena emateko epea abenduaren 19tik urtarrilaren 2ra izango da.
Izena emateko alkatetza@astigarraga.eus helbidera idatzi edo 943 55 05 75 telefonora deitu behar da.
Izena emateko orduan, bertaratuko diren bi pertsonen izen-abizenak, harremanetarako telefono mugikor bat eta helbide elektroniko bat eman behar dira.
Zozketa urtarrilaren 4an egingo da eta irabazleen izenak astigarraga.eus webgunean jakinaraziko dira.