Atzotik, segurtasun neurriak betez, Txomiñenea pilotalekua modu librean erabili daiteke. Pilotalekua erreserbatzeko aukera dago udaleko webguneko aplikazioaren bidez. Pilotalekuaren erabilera baimentzen den arren, aldagelak itxita egongo dira. Hernaniko igerileku estalia ere erabilgarri dago kiroldegiko bazkideentzat.
2020·06·17
Segurtasun neurriak
Hauek dira pilotalekua erabiltzeko bete beharreko segurtasun neurriak:
- Beste erabiltzaileekiko 2mko segurtasun tartea mantendu. Ezin bada musukoa jarri.
- Ez partekatu jokorako erabiltzen den materiala, ezta ur-botila ere.
- Doministiku egitean, estali ahoa eta sudurra ukondoarekin edo erabili eta botatzeko zapi batekin.
- Ez ukitu aurpegia, sudurra eta begiak.
- Gainazal komunak ukitzea saihestu.
- Covid-19rekin zerikusia izan dezakeen sintomarik izanik, gelditu etxean eta jarri harremanetan osasun zerbitzuekin.
- Erakunde ofizialek emandako gainontzeko osasun-neurriak bete.
Erreserbak
Erreserba bat dutenek beren txandari dagokion ordutegiaren barruan erabili ahal izango dute instalazioa, eta horretarako lehentasuna izango dute.
Erreserbak aplikazio honen bidez egin behar dira.
Ikusi hemen Txomiñenea pilotalekuaren erabilerarako baldintzak.
Hernaniko igerileku estalia
Kiroldegiko bazkide direnetzat Hernaniko igerileku estalia erabilgarri dago berriz ere.
Ordutegia
- Astelehenetik ostiralera: Igerileku handia (06:45 - 20:00) / Igerileku txikia (06:45-21:15)
- Larunbatetan: 09:00 - 19:45
- Igande eta jaiegunetan: 08:30 - 13:00.