Albisteak

Atzealdea Trafiko aldaketak Aguiko urbanizazio lanengatik

Abuztuaren 11tik 14ra Aguiko urbanizazio lanetan bideak asfaltatzeko lanak eta biribilgunea amaitzeko lanak egingo dira eta ondorioz, hainbat trafiko-aldaketa egongo dira. Batetik, asteartean, Arrobitxulo bidea moztuko da zebrabide altu bat egiteko. Bestetik, asteazkenean, Tranbia bidea moztuko da biribilgunea asfaltatzeko. Azkenik, ostegun eta ostiralean margoketa lanak egingo dira.

2020·08·10

Abuztuak 11, asteartea

Goizeko 8:00etan Arrobitxulo Bidea moztuko da zebrabide bat egiteko, arratsaldeko 15:00etan amaituta egotea aurreikusten da.

Obrak dirauten bitartean kaleak ez du irteerarik izango eta bizilagunek ibilgailuekin bi noranzkoetan ibiltzeko aukera izango badute ere, arreta eta kontu handiz egin beharko dute.

Abuztuak 12, asteazkena

Tranbia kaleko biribilgunea asfaltatzen den bitartean kalea moztuta egongo da. Hori dela eta, trafiko guztia Aiotzategi kaletik desbideratuko da.

Autobusak ere Aiotzategi kaletik joango direnez, Erribera plaza aurreko autobus geltokiak ezingo dira erabili, bertan behera geldituko dira.

Abuztuak 13 -14, osteguna eta ostirala

Bi egun hauetan margoketa lanak egingo dira. Hori dela eta, Arrobitxulo eta Tranbia kaleetako trafikoan eragozpen berriak sortuko dira, hala nola, trafiko mozketa laburrak eta desbideratzeak.