Astigarragako Udalak ongietorria eman nahi die erroldatu berriak diren herritarrei. Horregatik, ongietorri oparitxoa prestatu du: Sagardoetxeko esperientzia (ordubeteko bisita eta dastaketa).
2021·10·13
Dohainik izango da, eta 2019ko urritik 2021eko urrira Astigarragan erroldatu diren norbanako eta familiek edukiko dute parte hartzeko aukera. Udalak 2019ko urrian eman zion hasiera ekimen honi: 2018-2019 urteetan erroldatutakoentzat ongietorri ekitaldia antolatu zuen. Alabaina, ordutik erroldatutakoei ezin izan zaie ongietorririk eskaini, pandemia dela eta.
Datak aukeran:
- Urriak 26, 11:00
- Urriak 26, 19:00
- Azaroak 3, 11:00
- Azaroak 3, 19:00
Parte hartu nahi duenak, Udaleko elkarbizitza, partaidetza eta berdintasun sailarekin jarri behar du harremanetan (943 50 57 01 telefonoan edo berdintasuna@astigarraga.eus helbidean).
