2020·10·02
Santio Zeharreko aldapan jende asko ibiltzen da, bereziki eskolako sarrera eta irteera orduetan: haur taldeak, gurasoak haur txikien paseatzeko aulkiekin, etab.
Kiroldegira, Herri Eskolara eta Udaletxera doan bidea izanik, Udalak garbi ikusten du oinezkoek izan behar dutela lehentasuna eta segurtasuna bermatu behar zaiela.
Egindako asfaltatze lanarekin, elkarbizikidetzarako bide bilakatu da, non oinezkoek izango duten lehentasuna. Ibilgailuen zirkulazioa orain arte bezala mantenduko da, baina ibilgailuek oinezkoen lehentasuna errespetatu beharko dute eta abiadura baldintza horretara egokitu beharko dute, gehienez 20 kilometro/orduko abiaduran zirkulatu ahal izango dutelarik.
Hori guztia arautzeko, seinalitika jarriko da aurki, bai horizontala eta baita bertikala ere. Horietako seinale batek argia izango du eta arretaz ibili behar dela eta ibilgailuen abiadura 20 km/ordukoa dela adieraziko du.