Liburutegia hilabetez itxita egongo da, abenduaren 5etik urtarrilaren 6ra. Beraz, erabiltzaileek abenduaren 4a izango dute zerbitzua erabili eta liburuak maileguan hartzeko azken eguna.
2020·11·30
Irailan zabaldu zen Udal Liburutegia Erriberan, baina bertan jarritako altzariak probisionalak dira.
Altzari berriak iritsi direnez hurrengo asteotan egingo da aldaketa: egun dauden altzarietako liburuak kendu, altzariak desmuntatu, altzari berriak muntatu eta azkenik, liburuak altzarietan ipini. Hori guztia egin ahal izateko, liburutegia itxita egongo da abenduaren 5etik urtarrilaren 6ra (biak barne).
Abenduak 4, azken eguna
Abenduaren 4a, ostirala, izango da liburutegiko zerbitzua erabili eta maileguak hartzeko azken eguna.
Ikasteko gela
Gogoratu ikasteko gela zabalik dagoela eta hau erabili ahal izateko Erriberako harreran bete behar dela eskaera orria.