2021·01·13
Ikasketa bitartekaritza zerbitzua doakoa da eta herritarrei bizitza osoan prestakuntza formala, ez-formala eta informala emateko aholkularitza, bitartekaritza eta informazio zerbitzua da. Herritarrei prestakuntza-helburuak lortzen laguntzea da zerbitzu honen xedea.
Beterri-Buruntza udalerrietako herritar guztiek erabil dezakete; adin guztietakoek, lanean daudenek, langabezian daudenek, ikasten ari direnek, etab.
Zer eskaintzen da?
- Herritarrei doako eta banakako aholkularitza ematea: pertsonari laguntzeko eta aholkuak emateko banakako prozesua.
- Eskualdean dauden prestakuntza-ekintzei buruzko informazioa.
- Atzerriko titulazioen homologazio-prozesuei buruzko informazioa.
- Lanbide esperientzia aitortzeko prozesuei buruzko informazioa.
- Hainbat gaietako talde-tailerrak.
Nola erabili?
Zerbitzua erabili ahal izateko aldez aurretik hitzordua hartu behar da beterri@daiteke.com helbidean edo 688 774 550 telefonoan (dei edo whatsapp bidez).
Zerbitzua eskaintzen duen bulegoaren helbidea eta ordutegia:
Florida Auzoa, 28. Hernani.
Astelehenetik ostegunera 9:00-17:00 eta ostiraletan 9:00-15:00
Zerbitzuaren informazio gehiago hemen
Daiteke Gizarte Aholkularitza
Zerbitzu berri horretaz gain, Daitekek, eskualdeko enplegu-zentrua den heinean, lan bila edo lan egoera hobetu nahi duenarentzat, orientazioa ere eskaintzen du.