2020·06·26
Funtzionamendurako baldintzak
Lurzatiak
Igerilekura joan aurretik lurzati bat erreserbatzeko hitzordua eskatu behar da udaleko webgunean dagoen aplikazioaren bidez.
Lurzatiaren erreserbek 3 orduko iraupena izango dute.
Bi motatako erreserbak egin ahal izango dira:
- Erreserba indibiduala: pertsona bakarra.
- Erreserba familiarra (bizikidetza unitateentzat soilik): 2-5 pertsona.
Igerilekuak
Igerilekuen gehieneko edukiera mugatuko da, hori dela eta, igerileku txikian soilik 4 urte bitarteko haurrek egon ahal izango dute, hauek barne. 5 eta 8 urte bitartekoek igerileku handian heldu batekin egon beharko dute.
Hauek dira igerilekuen gehienezko edukierak:
- Igerileku Txikia: 12 pertsona
- Igerileku handia: 93 pertsona
Igerilekuetako edukiera gainditzera badoa, erabiltzaile bakoitzaren bainua 15 minutukoa izango da aldi bakoitzean.
Aldagelak eta armairuak
Aldagelak eta armairuak ezin izango dira erabili, itxita egongo dira. Hori dela eta, beharrezkoa dena soilik eramatea gomendatzen da.
Ikastaroak
Aurtengo udaran ez da igeriketa ikastarorik eskainiko.
Haurrak
12 urtetik beherakoek heldu batekin joan beharko dute instalaziora.
Ikusi hemen funtzionamendurako baldintza guztiak.
Segurtasun neurriak
- Covid-19rekin zerikusia izan dezakeen sintomarik baduzu, ez etorri instalaziora.
- Kiroldegira sartzeko desinfekzio neurriak bete. Kiroldegiak eskainiko dituen produktuekin eskuak eta zapatilak desinfektatu.
- Sarrera-irteerako jarraibideak errespetatu.
- Beste erabiltzaileekiko 1,5mko segurtasun tartea mantendu.
- Instalaziora maskara jantzita etorri behar da. Igerileku-esparruan maskara erabiltzea ez da nahitaezkoa izango, baldin eta 1,5 m-ko segurtasun-distantzia gordetzen bada. Bestela, maskara erabiltzea derrigorrezkoa da.
- Ez partekatu eskuoihala beste pertsona batzuekin. Edatekoa, jatekoa edota bestelako objetuak ezta ere.
- Zaindu adingabeak baldintzak bete ditzaten.
- Erakunde ofizialek emandako beste osasun-neurriak bete