2021 eta 2022ko udal tasetan (ura, zabor bilketa, hilerriko zerbitzua, Gaztelekuko edo Kultur Etxeko jarduerak…) hobaria eskatzeko epea zabalik dago, abenduaren 31ra arte
2021·11·10
Astigarragako Udalak hobariak aplikatuko ditu udal tasetan baliabide ekonomiko urriak dituzten herritarrentzat. Helburua da, oinarrizko udal-zerbitzuak ordaintzeko zailtasunak dituzten pertsonak laguntzea. Hobaria % 50, % 75 edo % 90ekoa izango da, bizikidetza unitatearen diru-sarreren eta kide kopuruaren arabera.
Hobaria eskuratzeko baldintza hauek bete behar dira:
- Astigarragan erroldatuta egotea.
- Udalarekiko ordainketak egunean izatea.
- Hobari-taularen arabera diru-sarrerak izatea.
Aurkeztu beharreko dokumentazioa eta epea:
- 2020ko familia-unitate kide guztien dirusarrerak (2020ko errenta-aitorpena edo dirusarrerarik ez duela egiaztatzen duen Foru Ogasunaren ziurtagiria).
- Tasak ordaindu izanaren zinpeko aitorpena.
- Hobaria jasotzeko kontu korrontearen titulartasun-ziurtagiria.
Dokumentazioa aurkezteko epea: abenduak 31.
Informazioa: kontuhartzailea@astigarraga.eus eta 943 33 52 33 telefonoan.
Hobarien-taula
| Bizikidetza unitateko kideak | HOBARIAK |
||
| %90 | %75 | %50 | |
| 1 | <1,10PGS(SMI) | 1,10PGStik 1,25 PGSra | 1,26PGStik1,50PGSra |
| 2 | <1,44PGS(SMI) | 1,44PGStik 1,63 PGSra | 1,64PGStik1,96PGSra |
| 3 | <1,57PGS(SMI) | 1,57PGStik 1,79 PGSra | 1,80PGStik2,15PGSra |
| >=4 | <1,69PGS(SMI) | 1,69PGStik 1,93 PGSra | 1,94PGStik2,31PGSra |
PGS: profesioarteko gutxieneko soldata / SMI: salario mínimo inteprofesional 2020 SMI-PGS: 13.300,00 euro/urtean
