Obra eta zerbitzuetako sailak herriko zuhaitzen egoera aztertu, eta kasu batzuetan mozteko beharra dagoela ikusi du.
2019·11·26
Udaleko obra eta zerbitzuetako sailak herriko zuhaitzen egoera aztertu du.
Mozketak
- Donostia Ibilbideko industriagunea: Zuhaitz batzuk moztu dituzte jada parasito batek eragindako gaitzak jota zeudelako. Inguru horretan ere, mihura kasuren bat ikusi dute, eta zuhaitzaren muinean nola eragiten duen aztertzen jarraituko dute.
- Pelotari kalea: Erramuak mozten hasi berri dira, asko handitu dira zuhaitz mota hauek eta pisu handia dute; lurraren ezaugarriak direla eta, erortzeko arriskua dago eta segurtasuna bermatzeko moztea erabaki da.
- Txalaka industriagunean platanondo batzuk ere moztuko dituzte industriaguneko jabe eta erabiltzaileei arazo larriak sortzen dizkietelako.
Birlandaketak
Herriko hainbat zuhaitz lehortu dira, eta horien birlandaketa egingo dute. Esaterako Erribera plazako zenbait zuhaitz, Troia ibilbidekoak, etab.
