Albisteak

Haurren zaintzarako kontratazioak egiteko dirulaguntzak eskatzeko epeak zabalik jarraitzen du

Covid-19aren ondorioz haurrak zaintzeko sortutako zailtasunen aurrean Udalak 0-4 urte bitarteko haurren zaintza gasturako dirulaguntzen deialdia atera zuen uztailean udalak eta azaroaren 15era arte egin daitezke dirulaguntza eskaerak.

2020·10·06

Udalak dirulaguntza hauetarako 25.000 euro aurreikusi ditu.

Dirulaguntza hauek 2020ko ekainaren 1etik 2020ko abenduaren 31ra arte 0-4 urte bitarteko haurrak zaintzeko kontratazioak egin dituzten Astigarragako herritarrek eska ditzazkete. 

Familia-unitatearen 2019.urteko errenta 35.000€ baino gutxiagokoa izan behar du (Zerga Oinarri Orokorra eta Aurrezpenaren Zerga Oinarria batuta).

Familia bakoitzak kontratazio-gastuaren %50a jasoko du, gehienez ere 500 euroko laguntza arte hileko. Hala ere, salbuespen kasu batzuk aurreikusi ditu Udalak aipatutako ehuneko eta kopuruari gehikuntzak aplikatzeko:

  • Guraso bakarreko familiek: %10 gehiago.
  • Genero indarkeria biktima direnek: %10 gehiago.
  • Familia-unitateko kideren batek %33tik gorako urritasunen bat badu: %10 gehiago.
  • DSBE jasotzen duten titularrak edo onuradunak, gizarte bazterketa arriskuan dauden pertsonek: %10 gehiago.

Eskaerak

Uztailaren 18tik azaroaren 15era egin daitezke eskaerak (edo kreditua agortu arte). 

Telematikoki edo Udalaren Erregistroan egin daitezke eskaerak.

Eskaera orria

Ikusi oinarriak