2019·12·26
Abenduaren 26an egingo da aurtengo eguberrietako haur parkea. Egun osoan egongo da zabalik, goizez 11:00etatik 13:30era, eta arratsaldez 16:30etik 19:30era. Bi zonatan egongo da banatuta, txikienek Kiroldegian izango dute ludoteka. Bertan, txirrista, giza-erratza eta hainbat puzgarri egongo dira. 10 urtetik gorakoentzat aldiz, festa Herri Eskolako atarian egongo da. Triziklo elektrikoak, futbol-ateak edota wipeout pasabidea izango dituzte. Bertan tailerrak ere egingo dira, goizean talo tailerra eta arratsaldean ogi eta pasta tailerra, norberak egin eta jateko.
Kultur Etxean Jolas Aretoa antolatu da 9-12 urte dituztenentzat abenduaren 26, 27, 28,31 eta urtarrilaren 3an. Goizez 11:00etatik 13:00etara, eta arratsaldez, 16:00etatik 18:30era egonda da zabalik.
Abenduaren 27 eta 28an ohe elastiko eta puzgarriez gozatu ahal izango dute. Astiko merkatari elkarteak antolatuta, herriko hiru plazatan jarriko dira: Joseba Barandiaran, Norberto Almandoz eta Kontxa Etxeberrian. Goizez 11etatik 13:30era, eta arratsaldez, 17:00etatik 20:30era.
Azkenik, gaztelekuko agendaren barruan ere badira egun hauetarako planak, Bilboko PINera txangoa, salting-a edota rap festa, besteak beste.