2020·06·20
Martxoan abiatu zen egitasmo hau, Emakumeon* plazako iruditegiak Astigarragako emakumeen* indarra, aniztasuna eta ahala ikusarazi eta sinbolizatu behar zituen, eta horretarako zer irudi aproposago Astigarragako emakumeena* baino.
Deialdia egin eta egun gutxitan 257 izen-emate jaso ziren. Saioak lotu eta martxoaren 2an argazki saioak hasi ziren Nagore Legarreta argazkilariarekin, baina osasun larrialdi egoerak eten eta ekainera arte ezin izan zaie berriro heldu. Pena handiz partaide batzuk argazki saioetara ezin joan utzi ditu aldaketak.
Astigarragako Emakumeon* plaza herriko emakume* guztiek osatzen dute, argazkietako irudietan azaldu edo ez.
Argazki saioak amaitu badira ere, Emakumeon* plazako eraikitze-lanek aurrera jarraitzen dute. Udalaren asmoa aurrerago elkartu, ateratako argazkiak ikusi, partekatu eta partaide bakoitzak bere oroigarria izatea da.