2020·11·30
Murala osatzeko argazki saioetarako deialdiak sekulako erantzuna izan zuen Astigarragako emakumeen partetik, Udalak zituen parte hartze espektatibak gaindituz. Hori dela eta, argazki saio ugari antolatu ziren eta irudi eta momentu eder ugari sortu.
Proiektuan parte hartu zuten emakumeei esker ona adierazi eta irudiak partekatzeko, argazki proiekzioa antolatu da, abenduaren 10ean, Erribera kulturgunean, 18.00etan. Ekitaldia argazki saioetan parte hartu zuten emakumeei dago zuzenduta. Gonbidapenak Erribera kulturguneko sarreran egongo dira eskuragarri abenduaren 3tik 9ra.
Horrez gain, Udalak, oroigarri moduan, emakume bakoitzari saioko irudi bana emango dio bueltan, herriko Pastain argazki dendan inprimatutakoa.
Zaintza zerbitzua
Udalak zaintza zerbitzua eskainiko du. Abenduaren 7ra arte (barne) eskatu daiteke. Interesa dutenek alkatetza@astigarraga.eus helbidera idatzi behar dute.