2022·07·15
Astigarragako sagardotegi eta nekazalturismo askok seinaleztapena dute, baina seinaleztapen hori ez da berdina guztientzat; ez ditu jarraitzen ez kokapenari, ez irudiari eta diseinuari buruzko irizpideak.
Bestalde, landa-baserri askok ez dute seinalerik, eta horrek bizilagunen eta bisitarien mugikortasuna zailtzen du. Eta hare gehiago, larrialdietako zerbitzuena. Beraz, Udalak erabaki du seinaleztapen eraginkorra eta homogeneoa jartzea; bai formari dagokionez, bai koloreei eta piktogramen diseinuari dagokienez.
Seinaleak eta panelak
Lehenik, baserri bakarren eta baserri multzoen seinaleak jarriko dira; ondoren, baserri, landetxe eta sagardotegien krokisak jarriko dira, baita informazio panel handiagoak ere.
Era berean, kendu beharreko 18 seinale identifikatu dira, eta, beraz, behin instalazioa amaituta, lan horiek egingo dira.
