Kontzientziaziorako hainbat jarduera burutuko dira aste honetan Astigarragan.
2025·11·24
Aste honen helburua hondakinak modu jasangarrian kudeatzearen beharraz kontzientziatzea da, murrizketa, konponketa eta berrerabilpena sustatuz.
Hauek dira azaroaren 24tik 28ra antolatu diren jarduerak:
- Azaroak 24-28: Liburuen, komikien eta pelikulen gomendioen txokoa izango da Erribera kulturgunean.
- Azaroak 24-28: Astigarragako ibaietan jasotako hondakinen erakusketa jarriko da Kontxa Etxeberria plazan.
- Azaroak 25-27: Astigarragako Herri Eskolan LH6ko ikasleekin kontsumo arduratsua eta hondakinak prebenitzeko tailer didaktikoa egingo da.
- Azaroak 28: “Modernoak” kale ikuskizuna eskainiko da Zirika Zirkusen eskutik, 17:00etan, Kontxa Etxeberria plazan.
MODERNOAK: Beti esan digute modernoa izatea modak agintzen duena janztea zela, gehiengoak esaten duen bezala pentsatu eta sentitu, bainan… #modernoak taldeak argi dauka!! Izaera onena norberak berea, izan zaitez zu. Denok ezberdinak garelako, aniztasuna errespetatzea dute helburu. Zaintza eta maitatzeko askatasuna. Zaindu zure burua, zaindu laguna eta mundua; murriztu, berrerabili, birziklatu eta Ama lurra maitatu.
Modernoak ikuskizunari buruzko informazioa.
