2024·01·31
Baratze publikoak emateko eta erabiltzeko arautegia
Elkartu Gipuzkoako Desgaitasun Fisikoa duten Pertsonen Federazio Koordinatzaileak baratze publikoen arautegiari dagokionez alegazioak egin ditu:
- Bi definizio gehitzea eskatzen du: irisgarritasun unibertsala eta diseinu unibertsala
- "Dibertsitate funtzionala duen pertsona" jarri beharrean "desgaitasuna duen pertsona"/"desgaitasuna duen pertsona" jartzea eskatzen du.
- Desgaitasunak dituzten pertsonen kopurua handitzea baratzeen erabiltzaileen lehentasunezko kolektiboetan
Alegazioa behin betiko onartu zen Osoko Bilkuran eta laster aterako du udalak deialdia.
“Gutxieneko pentsioa 1080” mozioa
Urtarrileko Osoko Bilkuran mozio bat ere izan zen, Euskal Herriko Pentsiodunen Mugimenduaren izenean, eta Osoko Bilkuran egon ziren bi alderdiek (EH Bildu eta EAJ) aho batez onartu zuten.
Gaur egun, bizi-kostuaren igoera esponentziala dela eta, gero eta pentsiodun gehiagok galtzen dituzte etxebizitza osasungarria eta beren beharretara egokitutakoa izateko aukerak, elikadura osasungarria, osasuna bermatzea eta mendekotasunari arreta eraginkorra ematea, etab. Gaur egun, 167.718 pentsiodunek 1080 eurotik beherako diru-sarrerak dituzte pentsioen bidez, gehienak emakumeak. Hori dela eta, Euskal Herriko Pentsiodunen Mugimenduak Astigarragako Udalari, honako hau eskatzen dio: Eusko Jaurlaritzari eta Legebiltzarrari demandatzea, 1080 eurora arte osa dezaten pentsiodunen gutxieneko pentsioa, 14 ordainsaritan, 2023ko urtarrilera arteko atzeraeraginezko ondorioekin.
Tokiko Gobernu Batzarrean aldiz, pertsonaleko gai bat, lankidetza-hitzarmen bat eta dirulaguntzak landu ziren.
Udaltzain lanpostuetako bitarteko funtzionarioak izendatzeko eta lan-poltsa handitzeko oposizio-lehiaketa
Udaltzain lanpostuetako bitarteko funtzionarioak izendatzeko eta lan-poltsa handitzeko oposizio-lehiaketaren oinarriak onartu zituen bilkurak. Aste Santuaren bueltan, egun Udaltzaingoaren plantillan dauden hiru udaltzainek Arkauteko prestakuntza-ikastaroa egitera joan behar dute eta oposizio-lehiaketa honen bidez hiru agente berri izendatuko dira horiek ordezkatzeko, gaur egun dagoen lan-poltsa handitzearekin batera.
KZGunea, lankidetza-hitzarmena
Eusko Jaurlaritzaren Informatika Elkartearen eta Udalaren arteko lankidetza-hitzarmena Tokiko Gobernu Batzarrak onartu zuen. KZguneak "Konekta Zaitez Ciudadan @" programaren esparruan eskaintzen dituen prestakuntza-programak eta gainerako zerbitzuak emateko eta erabiltzeko hitzarmena.
Dirulaguntzak
Dirulaguntzen esparruan, Tokiko Gobernu Batzarrak 2024-2026 plan estrategikoa onartu zuen, eta horrekin batera lehen dirulaguntza izenduna, Emakumeon Etxea elkartearena.
Alde batetik, 2024-2026 Dirulaguntzen Plan Estrategikoa onartu zen. Udalak, 2024an, 970.055,52 euro bideratuko ditu dirulaguntzetara, deialdi ireki eta izendunetarako. Horietatik 661.983,33 euro izendunentzat izango dira, eta 308.072,19 euro deialdi irekientzat.
Bestalde, Astigarragako Emakumeon Etxea elkarteari 51.000 euroko dirulaguntza izendun bat ematea onartu zen, emakumeen eta gizonen berdintasuna lortzeko eta emakumeen ahalduntzea bultzatzeko jarduerak egiteko.