Albisteak

Astigarragako Udalak herritarrak AEKn ikastera animatzen ditu

Astigarragako Udalak euskara ikasi edo hobetu nahi duten herritarrak animatzen ditu AEK euskaltegian apunta daitezen.

2019·09·23

Udalaren babesaren adierazgarri da, Aintzane Barandiaran euskara zinegotzia euskaltegira bertaratu izana.

Aurreko urteetako ildoari jarraituz, udalak diruz lagunduko ditu euskaltegian arituko diren Astigarragako herritarrak. Arazo ekonomiko larriak dituztenek eta agiri bidez justifika dezaketenek % 100 jasotzeko aukera izango dute, baita 12 urtera arteko haurrak dituzten gurasoek, langabezian daudenek eta merkatariak direnek ere. Gainerako herritarrek, aldiz, matrikularen % 75 jasoko dute ikasturte amaieran.

Urriaren 1ean hasiko da kurtso berria, eta hauek dira aurtengo ordutegiak:

GOIZEAN

  • A0 maila: astelehen, astearte eta asteazkenetan, 9:30etik 11:30era.
  • A1 maila: astearte, asteazken eta ostegunetan, 9:30etik 11:30era.
  • A2 maila: astearte, asteazken eta ostegunetan, 9:30etik 11:30era.
  • B2 maila: astelehen eta asteazkenetan, 9:30etik 12:00etara.
  • C1 maila: astearte eta ostegunetan, 9:30etik 12:00etara. EGUERDIAN Astelehen, astearte eta asteazkenetan, 14:45etik 16:15era. (interesaren arabera, maila zehazteke)

ARRATSALDEAN

  • A0 maila: astelehen, astearte eta asteazkenetan, 17:00etatik 19:00etara.
  • A1 maila: astelehen, astearte eta asteazkenetan, 17:00etatik 19:00etara.
  • A2 maila: astelehen, astearte eta asteazkenetan, 17:00etatik 19:00etara.
  • B2 maila: astearte eta ostegunetan, 18:30etik 20:30era.

ILUNTZEAN

  • A1 maila: astelehen, astearte eta asteazkenetan, 19:00etatik 21:00etara.
  • B1 maila: astelehenetan eta asteazkenetan, 19:00etatik 21:00etara.
  • C1 maila: astelehenetan eta asteazkenetan, 19:00etatik 21:00etara.

AUTOIKASKUNTZA Ordutegi eta egutegi malgua, tutoretza pertsonalizatuak.

Informazio gehiago edo euskaltegian apuntatu nahi duenak kultur etxeko 2. solairuan azaldu, 607610687/ 688746639 telefonoetara deitu edo astigarraga@aek.eus helbidera idatz dezake.