Astigarraga aldizkaria hobetzeko asmoz, 8 galdera dituen inkesta bat jarri dute martxan, herritarrek, elkarteek eta tokiko eragileek erantzun dezaten.
2022·05·18
Iaz Astigarraga Aldizkariak 40 urte bete zituen. Urteurrena ospatzeko hainbat topaketa egin ziren. Topaketa horietan, herritarren eta aldizkariko kolaboratzaileen iritziak jaso ziren, eta aldizkaria hobetzeko inkesta bat egitea egokia zela ondorioztatu zen. Azken inkesta egin zenetik 12 urte igaro dira.
Inkestak zortzi galdera ditu, eta arlo hauek jorratzen ditu: ezagutza, atal gogokoenak, gaien interesa, aldizkariaren atal bakoitzaren balorazioa, zer hobetu eta zer aldatu, webgunearen ezagutza, iritzia eta aldizkarian parte hartzeko aukerak.
Inkesta betetzeko bideak honako hauek dira:
- Internet bidez
- Udal liburutegian paperean betez
Emaitzak jaso ondoren azterketa sakona egingo da, eta datuak, ekarpenak eta balorazioak aurtengo Astigarraga 2022 aldizkarian zabalduko dira.