Hotz-bolada batean murgilduta gaude eta astebururako elurteak eta izozteak daude iragarrita. Hori dela eta, Udalak zenbait neurri hartu ditu elurrak eta izotzak sor ditzazketen arazoak gutxitzeko.
2021·01·08
Alde batetik, herritarren eta kale garbiketa zerbitzuaren eskura 25 kiloko gatz-zakuak utzi dira herriko hainbat puntutan, behar izanez gero herriko kaleetan eta etxebizitzen sarreretan zabaltzeko.
Bestetik, elurteak eta izozteak sortzen badira, Behemendi Landa Garapenerako Elkartearen bitartez, herriko punturik altuenetan gatza zabalduko da. Gatza Santiagomenditik herrigunera, Ermañatik Oialumera eta Floreagatik Bentasera botako da.
Azkenik, herrigunean, kale garbiketa zerbitzuek elurteek eta tenperatura baxuek eragin ditzaketen arrisku eta ondorioei erantzuteko agindua jaso dute, larunbat eta igande goizerako.