Albisteak

60 urte edo gehiagoko pertsonei zuzendutako Astigarraga Ehuntzen jardunaldi parte-hartzailea apirilaren 21ean egingo da.

Astigarraga Ehuntzen proiektuak adineko pertsona eta herriko elkarteen arteko saretze bat sortzea bilatzen du. Horretarako, apirilaren 21ean, 11:00etatik 12:30era bi kolektibo hauek Erribera kulturgunean elkartuko dira.

2021·04·15


Joan den ikasturtean Astigarraga Ehuntzen proiektu pilotua abiatu zuen Astigarragako Udalak Bat, bi ta hiru, parte-hartze eta garapen komunitarioan espezializatutako gizarte enpresa aholkulariarekin. Orduan, adineko pertsonak eta DBHko ikasleak izan ziren proiektuan parte hartu zutenak eta hainbat tailer burutu zituzten elkarrekin. Proiektu horrek izandako harrera ona ikusita, Udalak Astigarraga Ehuntzen proiektua herrira zabaltzea pentsatu zuen.

Hortaz, oraingo honetan herriko elkarteak eta adineko pertsonak izango dira protagonista. Helburu nagusia adineko pertsonak herrian parte aktibo izatea eta eurengan ongizate sozial eta emozionala sustazea da.

Horretarako, adineko pertsoen eta elkarteen lehen hartu-emana apirilaren 21ean izango da eta jardunaldi horretatik jarduera batzuk sortuko dira.

Behin adinekoen eta elkarteen arteko saretzea eginik, adineko pertsonak dinamika jakin batzuk sortzea da helburua, herriko parte aktibo izateko.

Jardunaldi parte-hartzailea

Saioan 60 urte edo gehiagoko pertsonek hartu dezakete parte.

  • Eguna: apirilak 21, asteazkena.
  • Ordua: 11:00-12:30
  • Lekua: Erribera kulturgunean
  • Izena-eman: partaidetzaastigarraga@gmail.com/ 680 49 70 90