2024·06·03
Joan den maiatzaren 23an hasi zen aurrekontu parte-hartzaileetan azken fasea, galdeketarena. Arazo tekniko batzuk izan zirenez, botoa emateko epea ekainaren 2ra arte luzatu zen. 24 proposamen zeuden eta herritar bakoitzak gehienez 4 aukera zitzakeen.
724 astigartarrek parte hartu dute kontsultan. Proposamenik bozkatuena "Azoka gune estali bat eraikitzea" izan da, 230 botorekin, hau da, botoen % 8,5. Bigarren proposamen bozkatuena "Udal sukalde komunitarioa sortzea" izan da, oso gertu geratu da 226 botorekin, hau da, 4 boto azpitik; eta hirugarrena, "Ludoteka zerbitzua martxan jartzea", 213 botorekin, % 7,9a.
Beraz, 240.000 euroak baserritarren produktuen zuzeneko salmenta bideratzeko azoka-gune estali bat eraikitzeko erabiliko dira.
Parte-hartzeari buruzko datuak
Galdeketan 724 pertsonak eman dute botoa, azken aurrekontu parte-hartzaileetan (2022) baino 231 boto gehiago.
Sexuari dagokionez bereziki emakumeek hartu dute parte, 724 pertsonetatik 414 emakumeak izan dira, botoa eman dutenen % 57,2.
Beste datu esanguratsu bat parte-hartzaileen adin-tartea izan da: 16 eta 29 urte bitarteko 59 gaztek bakarrik eman dute botoa, % 8,2k. Aldiz, 30 eta 49 urte bitartekoak izan dira gehien parte hartu dutenak: 447 boto eman dituzte adin-tarte horretan, % 61,7.
