2022·07·07
Jakina da Urumea ibaian zehar hainbat motatako eta tamainatako hondakinak pilatzen direla. Hori horrela, Udalak Urzain enpresa kontratatu du ibaia garbitzeko.
Ekimen honen helburu orokorrak honako hauek dira: kutsatzaile plastikoek landarediari eta faunari eragindako kalteak murriztea, espazio natural horietan bizi den faunarentzako habitat-baldintzak hobetzea, elementu kutsatzaile fisiko zein kimikoen kargak murriztea espazio hidrikoetan, eta espazio natural horietatik itsasora iristen diren hondakinak % 90 murriztea eta kontrolatzea, besteak beste. Gainera, Urumea Astigarragako ardatz bihurtu den honetan, garrantzitsua da Ibaia garbi, txukun matendu eta herritarren eskura jartzea.
Garbiketak
Mota ezberdinetako hondakin ugari ikus ditzakegu ibai ertzeko ibar-basoan barreiatuta, nahiz zuhaitz eta landarediaren adarretan trabatuta: plastiko arinak, plastiko gogorrak, pneumatikoak, toalitak, arropak…
Astigarragan apirilean eta ekainean egindako garbiketetan bildutako hondakin motak eta kopuruak honako hauek dira:
- Apirilaren 4tik 18rako astean:
| HONDAKINA | KG |
| Ontzi arinak | 15,35 |
| Inerteak | 194,75 |
| RAEEak | 16,35 |
| Egurra | 332,28 |
| Porex | 0,54 |
| Obra hondakinak | 72,55 |
| Kristala | 22,96 |
| PVC | 38,35 |
| Gurpilak | 63,31 |
| Gas bonbona | 2,46 |
| Metala | 10,95 |
| Fluoreszenteak | 1,63 |
| GUZTIRA | 771,48 |
- Ekainaren 13tik 17rako astean:
| HONDAKINA | KG |
| Ontzi arinak | 6,45 |
| Inerteak | 213,80 |
| Tamaina handikoak | 570,85 |
| Egurra | 80,68 |
| Metalak | 98,31 |
| PVC | 17,50 |
| Gurpilak | 102,76 |
| Bestelakoak | 19,25 |
| GUZTIRA | 1.109,60 |
Jasotako hondakin guztiak sailkatu eta Hernaniko Garbigunera eramaten dira.
Garbitutako eremu osoaren azalera 46.229m2-koa da.
