"Brigada Morea" Santio Jaietan goizaldean etxera bakarrik itzuli nahi ez duenari etxera laguntzeko sortu den taldea da. Txandak betetzeko emakumeen izen-emateak behar dira.
2022·06·29
"Brigada Morea" herriko jaietan etxera bakarrik itzuli nahi ez duten pertsonei laguntzeko sortu da, etxerako bidea lasai eta seguru egin ahal izateko. Binaka edo hirunaka lan egingo dute.
Uztailaren 22tik 25era (biak barne) 3 txanda egingo dira; 1:00etan, 3:00etan eta 5:00etan. Uztailaren 26an, aldiz, txanda bakarra egingo da, 1:00etan.
Zer egin behar du Brigada Moreak?
Brigada Morean parte hartzen duten emakumeak Emakumeon Etxearen aurrean elkartuko dira txanda baino 10 minutu lehenago, eta txaleko morea jantziko dute. Ondoren, etxera bakarrik itzuli nahi ez duten pertsonei bi edo hiruko taldeetan lagunduko diete.
Izena emateko
Txandetan izena emateko bi bide daude:
- Emakumeon Etxera idatzi: emakumeonetxea.astigarraga@gmail.com
- Emakumeon Etxera joan (Astelehena, asteartea eta ostirala 10:00-13:00 / asteazkena eta osteguna 16:00-19:00).
Izena emateko azken eguna uztailaren 14a izango da.