Albisteak

Atzealdea "Agur Kultur Etxea... Kaixo Erribera"

Erribera kulturgunea irailaren 12an inauguratuko da. Orain arteko Kultur Etxeari merezi duen agurra eta Erriberari merezi duen ongietorria emateko, Udalak herritarrei proposamen bat zabaldu nahi die: postal batean bi gogoeta idatzi, bi marrazki egin edo bi sentsazio islatzea; "Agur Kultur Etxea" esaldiari erantzunez bat eta "Kaixo Erribera" esaldiari bestea.

2020·07·28

Jasotzen diren postal guztiekin erakusketa bat egingo da, irailaren 12tik aurrera Erriberan ikusgai egongo dena. Gainera, postala bidaltzen duten herritar guztien artean, irailaren 12ko inaugurazio ekitaldiaren barne, Erribera Kulturgunea bisitatzeko sarrerak zozketatuko dira.

Non lortu daitezke postalak?

Etxe bakoitzera postal bana bidaliko da. Baina, herritar guztiek beren postala izan dezaten, eskuragarri jarriko dira Udaletxean, Kiroldegian, Kultur Etxean eta herriko zenbait saltokitan.

Zer idatzi behar da?

Postalaren atzealdean "Agur Kultur Etxea" eta "Kaixo Erribera" esaldiei erantzun behar zaie. Oroimenak, sentimenduak, desioak, koloreak, hitzak edota marrazkiak jarri daitezke.

Non eta noiz utzi daitezke postalak?

Udaletxean, Kiroldegian, Kultur Etxean edo kaleko postontzietan utzi daitezke. Abuztuaren 9a izango da azken eguna.